訓練小貼士

小店主B&P有beagle的強大基因，而小店主J係聰明絕頂既border collie🐶我地同大部分人一樣，都經歷過接近崩潰既邊緣(其實諗返起真係又愛又恨😂)。Training唔係話細個train完就算，而係一件需要持之以恆既事情。今日想講下幾個我地認為有用既training tips💡🐾從最基本開始：先教識狗狗一啲最基本既指令，例如sit, stay, come。呢啲指令將會為日後既training打底，令往後進一步既training容易少少。🐾使用正向訓練：當狗狗做到你希望佢地做到既表現時，就用零食、讚賞或者玩具黎獎勵佢地。呢種訓練方式會鼓勵狗狗重複做出可以得到獎勵的行為。🐾保持一致：建立一致既training routine，可以令狗狗知道你既期望，每次既指令記得要用返相同的字眼同手勢。🐾保持訓練時段簡短而有趣：訓練時段應該簡短而有趣，咁先可以keep住狗狗既興趣同注意力。應該將目標定為每日進行幾次簡短既訓練，而唔係一日一次長時間既訓練。🐾耐心是關鍵：記得，記得，記得，要有無比耐性。每隻狗狗都有自己的學習節奏，不需要比較。揾到你同狗狗既節奏最重要，不快也不慢地進步就好了。記得保持耐心同堅持，慶祝一路上的每個小勝利。Training需要時間，並唔係一朝一夕就可以搞掂既，切忌沮喪或放棄。🐾狗狗社會化：狗狗細細個開始接觸唔同既環境、人同其他動物。社會化可以幫助狗狗係各種情況下舒服啲自在啲，唔會樣樣野都驚。🐾避免懲罰：🚫大忌🚫千祈唔好訴諸懲罰或體罰，應該注重積極既正向訓練。懲罰可能會導致狗狗產生恐懼或攻擊性，並阻礙訓練過程。Training係你同狗狗bonding既大好機會，好好享受過程，慶祝你同狗狗既每一個小進步❤️戴返個頭盔先🪖以上資訊都係我地同狗狗訓練時既心得，僅供參考用途～我地建議如果你係訓練狗狗時遇到任何挑戰/問題，可以考慮揾返專業既dog trainer幫手，佢地可以針對特定問題提供專業既意見或訓練方法。記得記得記得，give up is never an option💪🏼